Herr Neidhart “Meinenzît" I Meienzît âne nît vröuden gît wider strît sin widerkomen kan uns allen helfen ûf dem plân âne wân siht man stân wolgetân liehtiu brûniu blüemel bî den gelfen durch daz gras sint si schôn ûf gedrungen und der walt manecvalt ungezalt ist erschalt daz er wart mit dem nie baz gesungen II Ich süng nit nâch ir sit hæte ich vrid des ich bit ob mir ieman k¦me dran ze trôste ich bin verzeit mîniu leit unverjeit sint so breit ich næme ez noch swer mich dâ von erlôste liebes blic der kan mich schicken wilde ez ist mîn klage alle tage und gedage als ein zage liebes blic lâz mich bî blickes bilde III Grôze nôt Mir enbôt Der mir drôt Ûf den tôt daz ist Hildebold von Bernriute Irenvrit und der smit werden glit an eim wit daz si mit gemache lân diu liute Berewîn den mac nieman überhiuzen Amelolt Berenbolt hânt verscholt daz man solt über mich gegeben hât ze Priuzen IV Ich kam dar âne vâr ungewar zuo zir schar ich sach waz die getelinge tæten Irenber und ir mêr gieng entwer hin und her mit ir kipfelklingen sam sie mæten dô sprach ich: "nû wolte ich einez wetten daz ir gedr¦d und ir gesn¦d würde bl¦d swie ir vr¦d nieman künde mit heres kraft enphetten" V Hildemâr mit dem hâr der kam dar ich nam war wie er mit der sch¦nen begunde schimpfen hôch er spranc ân ir danc ûf ein banc diu was kranc daz solt si im prîsen vür ein glimpfen daz ir bêder lîp sich muoste schütten mir was ant dô ich enphant daz ir gewant sich enbant und ir kluoges schapel muoste entrütten VI Ich klage iu her ditze mêr seht ir her wartet wer wie solte si ze diesem dinge gebâren ir nemt sîn goum âne soum an eim zoum in eim boum umb den schaden dâ solt er bejâren wolde er under sch¦nen kindern walgen hin und her als entwer als ouch er hât die ger bezzer wære er hienge an einem galgen VII Ich was vert nâch gewert dô ein swert im verrêrt ein halbez knie von eim der zên genôzen Enzeman lief in an kûme entran er von dan er hat niemer mêr kein meit gestôzen würde ich noch ze Riuwental gerochen ich hæt heil vröuden teil und wær geil ob ein seil im alliu vieriu hæte ab gebrochen Für die Richtigkeit keine Gewähr C 2/2002 Spielleut.de