Ecce mundi gaudium
Ecce salus gentium
Virgo parit filium
Sine violentia
Ave, virgo regia
Dei plena gratia

Natus (est) de virgine
Sine viri semine
Qui mundat a crimine
Rex, qui regit omnia
Ave, virgo regia
Dei plena gratia

Angelus pastoribus
»Natus est is gentibus,
Qui dat pacem omnibus
Sua providentia.«
Ave, virgo regia
Dei plena gratia

Reges tria premia
Offerentes varia
Stella ducit previa
Ad salutis gaudia
Ave, virgo regia
Dei plena gratia

Cum nil scire potuit
De nato, rex fremuit
Et tota gens tremuit
Christi natalitia
Ave, virgo regia
Dei plena gratia

Cum mori per gladios
Rachel videt proprios,
Mesta plorat, filios;
Nulla sunt solatia
Ave, virgo regia
Dei plena gratia